ໃນຂະນະທີ່ກົນໄກ ກຳລັງຕື່ນເຕັ້ນໄປກັບ Jack Ma ແຫ່ງ Alibaba ຜູ່ທີ່ໂດ່ງດັງຂອງວົງການe-Commerce ຈີນທີ່ກຳລັງເລີ່ມເຂົ້າມາຕີຕະຫຼາດໃນອາຊຽນ ບໍລິສັດຈີນອີກແຫ່ງໜຶ່ງທີ່ໃຫຍ່ບໍ່ແພ້ກັນແລະເຂົ້າມາເຮັດທຸລະກິດແມ່ນ Tencent

ເມື່ອເວົ້າເຖິງຊື່ Tencent ຫຼາຍຄົນອາດບໍ່ຮູ້ຈັກແລະຄຸ້ນເຄີຍປານໃດ ແຕ່ຜະລິດຕະພັນຂອງ Tencent ທີ່ພວກເຮົາຮູ້ຈັກກັນດົນ (ເຖິງແມ່ນວ່າຊື່ Tencent ຈະບໍ່ດັງເທົ່າ) ໄດ້ແກ່ແອັບແຊັດ WeChat, ເວັບໄຊຕ໌ Sanook ແລະແອັບຟັງເພງ JOOX (ແລະຖ້າຍັງຈື່ກັນໄດ້ ກ່ອນໜ້ານີ້ເຮົາກໍມີແອັບແຊດ QQ ແຕ່ກໍບໍ່ຄ່ອຍປະສົບຜົນຄວາມສຳເລັດປານໃດ)

Tencent ບໍລິສັດຈີນທີ່ “ຍິ່ງໃຫຍ່ກວ່າ” Alibaba

Tencent, Alibaba ແລະ Baidu ເປັນ 3 ຄົນຍັກໃຫຍ່ຂອງວົງການອິນເທີຣ໌ເນັດຈີນ ທີ່ຜ່ານຮ້ອນຜ່ານໜາວກັນມາຕັ້ງແຕ່ສະໄໝດອດຄອມບູມໃນທົດສະວັດ 2000s ທັງສາມບໍລິສັດຕ່າງຂະຫຍາຍໄລນ໌ຜະລິດຕະພັນອອກໄປຫລວງຫລາຍ ແລະລົງທຶນໃນStart up ຈີນລຸ້ນຫຼັງເປັນຈຳນວນນັບບໍ່ຖ້ວນ ຈົນຖືກເອີ້ນຊື່ຫຍໍ້ວ່າ B.A.T. (Baidu-Alibaba-Tencent)

ທຸລະກິດຫຼັກຂອງທັງສາມບໍລິສັດຢູ່ຄົນລະຕະຫລາດກັນ ເຖິງແມ່ນວ່າພາຍຫຼັງຈະຂະຫຍາຍສາຍທຸລະກິດຈົນທັບຊ້ອນແລະແຂ່ງຂັນກັນເອງ ແຕ່ການປຽບທຽບວ່າບໍລິສັດໃດດີກວ່າກັນກໍຍັງເປັນເລື່ອງເຮັດໄດ້ຍາກ

ຢ່າງໃດກໍຕາມ ຖ້າເຮົາໃຊ້ເຄື່ອງມືຊີ້ວັດແບບງ່າຍໆ ຄືເບິ່ງມູນຄ່າບໍລິສັດຕາມລາຄາຫຸ້ນ (market cap) ແລ້ວ Tencent ກັບ Alibaba ກໍປ່ຽນກັນຄອງຕຳແໜ່ງ “ບໍລິສັດເຕັກໂນໂລຢີ” ທີ່ມີມູນຄ່າສູງທີ່ສຸດໃນເອເຊຍມາໂດຍຕະຫລອດ (ຂຶ້ນກັບວ່າຈັງຫວະໃດ ລາຄາຫຸ້ນຂອງບໍລິສັດໃດແພງກວ່າ)


ປຽບທຽບມູນຄ່າບໍລິສັດລະຫວ່າງ Tencent ກັບ Alibaba (ຂໍ້ມູນຈາກ Quartz)

ແຕ່ຖ້າວັດຈາກຜົນປະກອບການຄືລາຍໄດ້ແລະຜົນກຳໄລ Tencent ເຮັດເງິນໄດ້ຫຼາຍກວ່າ Alibaba ຫລາຍ


ປຽບທຽບຜົນປະກອບການ Tencent vs Alibaba (ຂໍ້ມູນຈາກ Bloomberg)

ບົດຄວາມນີ້ຈະພາມາຮູ້ຈັກ Tencent ວ່າມີປະຫວັດຄວາມເປັນມາຢ່າງໃດ ແລະເຮັດທຸລະກິດຫຍັງແດ່

ປະຫວັດຄວາມເປັນມາຂອງ Tencent ເລີ່ມຕົ້ນຈາກ QQ

Tencent ກໍ່ຕັ້ງເມື່ອປີ 1998 ຫລືເກືອບ 20 ປີມາແລ້ວ ໂດຍທີມຜູ້ກໍ່ຕັ້ງເປັນຄົນຈີນລ້ວນ ແລະມີຖານທີ່ໝັ່ນຢູ່ໃນເສີ່ນເຈີ້ນ

ໃນຊ່ວງທຳອິດ Tencent ເປັນເວັບPortalສຳລັບຄົນຈີນ ກ່ອນຈະມີຜະລິດຕະພັນໂຕທຳອິດທີ່ສ້າງຊື່ໃຫ້ກັບບໍລິສັດຄືໂປຣແກຣມແຊັດ QQ (ຊຶ່ງນຳແນວຄິດມາຈາກ ICQ ໃນຍຸກສະໄໝນັ້ນ)

ຊ່ວງທຳອິດ Tencent ປະສົບປັນຫາບໍ່ເຮັດກຳໄລ ແລະຕ້ອງຂາຍຫຸ້ນ 46% ໃຫ້ກັບບໍລິສັດ Naspers ຈາກແອຟຣິກາໃຕ້ (ເຈົ້າຂອງບໍລິສັດ MWEB) ປະຈຸບັນ Naspers ຍັງຖືຫຸ້ນປະລິມານຫລາຍພໍສົມຄວນໃນ Tencent

ຍຸກທຳອິດຂອງ Tencent ຫາລາຍໄດ້ຈາກ QQ ໂດຍເປີດບໍລິການ QQ ໃຫ້ໃຊ້ຟຣີແບບມີໂຄສະນາ ແລະມີບໍລິການແບບພຣີມຽມ ສຳລັບສະມາຊິກທີ່ຈ່າຍເງິນລາຍເດືອນ ບໍລິສັດເຂົ້າຂາຍຫຸ້ນໃນຕະຫຼາດຫຼັກຊັບຮ່ອງກົງມາຕັ້ງແຕ່ປີ 2004


ເພັນກວິນ ສັນຍະລັກແລະມາດຄັອດຂອງ QQ

ຂະຫຍາຍທຸລະກິດມາເປັນເກມອອນໄລນ໌

ພາຍຫຼັງ Tencent ຂະຫຍາຍທຸລະກິດຈາກ QQ ມາຍັງເກມອອນໄລນ໌ ແລະມີໂມແດວຫາເງິນຈາກການຂາຍສິນຄ້າພາຍໃນເກມ ປະຈຸບັນ Tencent ຖືເປັນຜູ້ໃຫ້ບໍລິການເກມອອນໄລນ໌ລາຍໃຫຍ່ຂອງປະເທດຈີນ

ໃນອະດິດ Tencent ໃຊ້ວິທີຊື້ໄລເຊນສ໌ເກມຈາກບໍລິສັດຕ່າງໆ ທັງໃນຍີ່ປຸ່ນ ຈີນ ເກົາຫຼີໃຕ້ ມາໃຫ້ບໍລິການກັບຜູ້ຫລິ້ນຄົນຈີນ ແຕ່ພາຍຫຼັງເມື່ອທຸລະກິດເຕີບໂຕ Tencent ກໍຫັນມາສ້າງເກມເອງ ແລະເຂົ້າໄປລົງທຶນໃນບໍລິສັດເກມຕ່າງປະເທດຫຼາຍ ໄດ້ແກ່:

  • Riot Games ບໍລິສັດເກມຈາກ USA ເຈົ້າຂອງເກມ League of Legends ທີ່ໂດ່ງດັ່ງລະດັບໂລກ ຕອນນີ້ Tencent ຖືຫຸ້ນທັງໝົດຂອງ Riot Games ແລ້ວ
  • Epic Games ຜູ້ຜະລິດເກມພີຊີຊື່ດັ່ງຂອງUSA ມີຜົນງານເຊັ່ນ Unreal, Gears of War ຕອນນີ້ Tencent ຖືຫຸ້ນປະມານ 40% ຂອງ Epic Games
  •  Supercell ຜູ້ຜະລິດເກມມືຖືຈາກຟິນແລນ ເຈົ້າຂອງເກມ Clash of Clans ແລະ Clash Royale ຕອນນີ້ Tencent ຖືຫຸ້ນ 84%
  • CJ Games ບໍລິສັດເກມແຖວໜ້າຂອງປະເທດເກົາຫຼີໃຕ້ Tencent ໄປຊື້ຫຸ້ນມາປະມານ 28% ໃນປີ 2014

ເຂົ້າສູ່ຍຸກມືຖືດ້ວຍ WeChat/Weixin

ຜົນງານທີ່ໂດດເດັ່ນຫຼາຍຂອງ Tencent ໃນຍຸກຫຼັງຄືແອັບແຊດ Weixin (ຊື່ໃນຈີນ) ຫຼືທີ່ຮູ້ຈັກໃນບ້ານເຮົາແລະນອກປະເທດຈີນວ່າ WeChat

ຕຳນານການກຳເນີດຂອງ WeChat ເປັນທີ່ໜ້າຈົດຈຳ ເພາະ Tencent ມີແອັບແຊດທີ່ມີຄົນໃຊ້ຈຳນວນມະຫາສານເຊັ່ນ QQ ຢູ່ພີຊີຢູ່ແລ້ວ ແຕ່ບໍລິສັດກັບມອງການໄກວ່າໂລກຂອງ ສະມາຣ໌ດໂຟນກຳລັງຈະມາ ຈຶ່ງໃຫ້ທີມງານກຸ່ມໜຶ່ງພາຍໃນບໍລິສັດ ພັດທະນາແອັບແຊັດໂຕໃໝ່ຂຶ້ນມາແຂ່ງກັນເອງ ຊຶ່ງຜົນກໍອອກມາເປັນ Weixin ຫລື WeChat ນັ້ນເອງ

ປະຈຸບັນ WeChat ມີຜູ້ໃຊ້ຫລາຍກວ່າ 800 ລ້ານຄົນ ແລະເລີ່ມຂະຫຍາຍຕະຫຼາດອອກມານອກປະເທດຈີນແລ້ວ (ເຖິງແມ່ນໃນລາວຈະຍັງສູ້ WhatsApp ບໍ່ໄດ້ ແຕ່ໃນຫຼາຍປະເທດກໍໄດ້ຮັບຄວາມນິຍົມຫລາຍພໍຄວນ ໂດຍສະເພາະໃນເອີຣົບແລະເອເຊຍ)

Platform ຂອງ Weixin ໃນຈີນ ບໍ່ໄດ້ມີແຕ່ແອັບແຊັດພຽງຢ່າງດຽວ ແຕ່ Weixin ຍັງເປັນຕົ້ນແບບຂອງການລວມເອົາບໍລິການຕ່າງໆ ມາຢູ່ໃນເທິງແອັບແຊັດ ບໍ່ວ່າຈະເປັນບໍລິການໂອນເງິນອອນໄລນ໌ ເອີ້ນລົດແທັກຊີ່ ສັ່ງອາຫານ ຊື້ສິນຄ້າ e-Commerce ແລະ ອື່ນໆ ເອີ້ນວ່າຟີດເຈີຣ໌ທີ່ແອັບແຊັດຝັ່ງຕະເວັນຕົກເຊັ່ນ Facebook Messenger ພະຍາຍາມລຽນແບບ ລ້ວນແລ້ວແຕ່ເກີດຂຶ້ນໃນຈີນມາດົນແລ້ວ ໂດຍມີ Weixin ເປັນຜູ້ບຸກເບີກ

ໃນອີກທາງ Tencent ກໍຍັງບໍ່ໄດ້ຖິ້ມຖານຜູ້ໃຊ້ QQ ເດີມ ແລະປະຈຸບັນ QQ ກໍຖືເປັນPlatformແຊັດອີກໂຕທີ່ຍັງມີຄົນຈີນໃຊ້ງານຢູ່ຫລາຍ ເທົ່າກັບວ່າ Tencent ເປັນເຈົ້າຂອງPlatform ແຊັດທີ່ມີຜູ້ໃຊ້ລະດັບ 800 ລ້ານຄົນເຖິງ 2 ໂຕ (ຄົົນທີ່ເຮັດແບບນີ້ໄດ້ມີແຕ່ Facebook ທີ່ໃຊ້ວິທີທຸ່ມເງິນຊື້ WhatsApp ເທົ່ານັ້ນ)

ຖານຜູ້ໃຊ້ທັງ Weixin ແລະ QQ ສົ່ງຜົນໃຫ້ Tencent ຂະຫຍາຍຕະຫຼາດມາເຮັດ FinTech ກ່ຽວກັບການຈ່າຍເງິນຜ່ານແອັບມືຖື ເຖິງແມ່ນປະຈຸບັນຍັງເປັນເບີສອງຂອງຈີນ ແຕ່ກໍເປັນຮອງແຕ່ Alipay ຂອງ Alibaba ພຽງແຕ່ລາຍດຽວເທົ່ານັ້ນ

ນອກຈາກເກມອອນໄລນ໌ແລະແອັບແຊັດແລ້ວ ທຸລະກິດອື່ນໆ ຂອງ Tencent ໃນຈີນຍັງກ່ຽວກັບສື່ອອນໄລນ໌ຂະແໜງອື່ນໆ ເຊັ່ນ ເພງອອນໄລນ໌ ວິດີໂອອອນໄລນ໌ ອີບຸ໊ກ ແລະຍັງມີຊອຟຕ໌ແວຣ໌ສຳລັບຄອມພິວເຕີແລະມືຖືຢ່າງ ເວັບບຣາວ໌ເຊີຣ໌ ແອນຕີ້ໄວຣັດ ແລະແອັບສະຕລໍໃຫຍ່ໃນປະເທດຈີນດ້ວຍ

ລົງທຶນໃນບໍລິສັດຈຳນວນຫລາຍທັງໃນຈີນແລະນອກຈີນ

Tencent ສວຍໂອກາດທີ່ມີເງິນທຶນໃນມືມະຫາສານຈາກລາຍໄດ້ຫຼັກຂອງໂຕເອງ ໄລ່ລົງທຶນໃນບໍລິສັດຈຳນວນຫລາຍທັງໃນປະເທດຈີນແລະນອກປະເທດຈີນ

ໂຕຢ່າງທີ່ຊັດເຈນຄື Tencent ບໍ່ມີPlatform e-Commerce ຂອງໂຕເອງ ຈຶ່ງໄປລົງທຶນໃນບໍລິສັດ JD.com ຊຶ່ງເປັນເບີສອງຮອງຈາກ Alibaba ປະຈຸບັນມີຫຸ້ນປະມານ 15%

ອີກໂຕຢ່າງໜຶ່ງຄືແອັບເອີ້ນລົດແທັກຊີ່ Didi Dache ທີ່ Tencent ກໍໄດ້ໄປລົງຫຸ້ນໄວ້ຕັ້ງແຕ່ຊ່ວງທຳອິດໆ (ປະຈຸບັນຄວບຄວມກັບຄູ່ແຂ່ງເປັນ Didi Chuxing ແລະສາມາດເອົາຊະນະ Uber ໃນຈີນໄດ້) ແລະ Meituan.com Start-up ຂາຍດິນແບບດຽວກັບ Groupon ທີ່ຫາກໍ່ລະດົມທຶນເຂົ້າຕະຫຼາດຫຼັກຊັບໄປແລ້ວ (Tencent ມີຫຸ້ນ 20%)

ນອກຈາກນີ້ Tencent ຍັງໄປລົງທຶນໃນທຸລະກິດອື່ນໆ ທີ່ບໍ່ແມ່ນໄອທີ ຢ່າງອະສັງຫາລິມະຊັບ ສຸກຂະພາບ ແລະ ອື່ນໆ ທັງຫມົດ ລວມເຖິງເຊັນສັນຍາເປັນພາກເນີກັບບໍລິສັດສື່ ອາເມລິກາ ເຊັ່ນ HBO, NBA, Warner Bros. ເພື່ອເປັນຜູ້ຈັດຈຳໜ່າຍແຕ່ພຽງລາຍດຽວໃນປະເທດຈີນອີກດ້ວຍ ເຖິງຂັ້ນເອີ້ນໄດ້ວ່ານອກຈາກສື່ດິຈິທັນທີ່ເປັນເກມແລ້ວ Tencent ຍັງພະຍາຍາມຈະກິນຮວບຕະຫຼາດຈີນໃຫ້ໝົດ ທັງເນື້ອຫາວິດີໂອ ເພລງ ກີລາ ອີບຸ໊ກ ແລະ ອື່ນ ໆ

ລາຍໄດ້ຂອງ Tencent ລ້ຳລວຍມະຫາສານ ອັດຕາເຕີບໂຕຍັງຕໍ່ເນື່ອງ

ລາຍໄດ້ຂອງ Tencent ສູງເຖິງປີລະຫຼັກແສນລ້ານຢວນ ໂດຍບໍລິສັດຄາດການວ່າໃນປີ 2016 ຈະມີລາຍໄດ້ທັງຫມົດ 138.5 ພັນລ້ານຢວນ ຕໍ່ປີ

ລາຍໄດ້ສ່ວນໃຫຍ່ຍັງມາຈາກສອງທຸລະກິດຫຼັກຄືໂຊຊຽວ (QQ+Weixin) ແລະເກມ


ລາຍໄດ້ຂອງ Tencent (ເດືອນກັນຍາ 2016)

ສະຖານະທາງທຸລະກິດຂອງ Tencent ຍັງຖືວ່າລ້ຳລວຍມະຫາສານ ບໍລິສັດມີກະແສເງິນສົດໃນມື 5.4 ໝື່ນລ້ານຢວນ ແລະຍັງມີລາຍໄດ້ຕໍ່ປີເຕີບໂຕດ້ວຍອັດຕາ 52% ໃນໄຕມາຮດ ລ່າສຸດ (ກຳໄລໃຫຍ່ 40% ຕໍ່ປີ) ຖືເປັນສະຖານະການເງິນທີ່ບໍລິສັດທົ່ວໂລກຕ່າງກໍ່ໃຝ່ຝັນເຖິງ

ສິ່ງທີ່ເປັນຈຸດເດັ່ນຂອງ Tencent ໄປອີກດົນຄືຖານລູກຄ້າຄົນຈີນທີ່ໃຊ້ QQ, WeChat ແລະບໍລິການອື່ນໆ ຂອງບໍລິສັດ ຕັ້ງແຕ່ຕື່ນເຊົ້າຈົນນອນຫຼັບ ທຸກຢ່າງຢູ່ເທິງplatform ຂອງ Tencent ໝົດ ແລະບໍລິສັດກຳລັງເລີ່ມເບິ່ງຫາວິທີສ້າງລາຍໄດ້ຈາກທຸກຊ່ອງທາງເທົ່າທີ່ເປັນໄປໄດ້ ນັ້ນແປວ່າ Tencent ຍັງມີໂອກາດເຕີບໂຕໃນເລື່ອງລາຍໄດ້ຂຶ້ນອີກຫລາຍ

Tencent ຫາກໍ່ປະກາດຈັບມືກັບ Starbucks ໃນຈີນ ເພື່ອໃຫ້ຈ່າຍເງິນຄ່າກາແຟດ້ວຍ WeChat ໄດ້ ແລະການອອກນອກ USA ກໍ່ຫາກໍ່ມີຂ່າວວ່າຄາສິໂນ Ceasars Palace ໃນລາສເວກັສ ກໍຮອງຮັບການຈ່າຍເງິນດ້ວຍ WeChat ເຊັ່ນກັນ

Ma Huateng ຊາຍຜູ້ຢູ່ເບື້ອງຫຼັງ Tencent

ຜູ້ອ່ານ ອາດສົງໄສວ່າເບື້ອງຫຼັງຄວາມສຳເລັດຂອງ Tencent ແມ່ນໃຜກັນແທ້? ຄຳຕອບຄື Ma Huateng ຫລືຊື່ພາສາອັງກິດ Pony Ma ຜູ້ກໍ່ຕັ້ງອານາຈັກທີ່ຍິ່ງໃຫຍ່ຂອງໂລກໄອທີຈີນ

ໃນຂະນະທີ່ໂລກເຫັນໜ້າ Jack Ma ແຫ່ງ Alibaba ຢູ່ສະເໝີ ໂຕຂອງ Pony Ma (ທັງສອງຄົນໃຊ້ຊື່ “ໝ່າ” ຄືກັນ) ແຕ່ແທບບໍ່ເຄີຍປະກົດໂຕຕໍ່ສາທາລະນະ


Ma Huateng (ພາບຈາກ TechCrunch)

ປະຈຸບັນ Pony Ma ມີອາຍຸ 45 ປີ ທ່ານຈົບການສຶກສາຈາກມະຫາວິທະຍາໄລເສີ່ນເຈີ້ນ ໃນສາຂາວິທະຍາການຄອມພິວເຕີ ແລະເຮັດວຽກເປັນວິສະວະກອນຊອຟຕ໌ແວຣ໌ ກ່ອນຈະເລີ່ມກິດຈະການ Tencent ໃນປີ 1998 ຮ່ວມກັບໝູ່ຮ່ວມຊັ້ນອີກ 4 ຄົນ (ຕອນນັ້ນທ່ານມີອາຍຸພຽງ 27 ປີ)

ປະຈຸບັນ Pony Ma ເປັນມະຫາເສດຖີອັນດັບ 46 ຂອງໂລກຕາມການຈັດອັນດັບຂອງ Forbes ໃນປີ 2016 (Jack Ma ຢູ່ອັນກັບ 33) ແຕ່ຊີວິດຂອງທ່ານ ໄດ້ປິດລັບຕໍ່ສາທາລະນະ ແລະຫັນໄປສົນໃຈງານດ້ານການກຸສົນຫຼາຍກວ່າໄລຟສະຕາຍຫຣູຫຣາຟຸ່ມເຟືອຍ

ຂໍ້ມູນຈາກ Tencent, Quartz , Via (Brandinsider)